كن وزيرا يوما واحدا

ياتري هتختار وزاره أيه وأيه أول شئ هتعمله فكر وا مع نفسيكم كدا وخبرونا ومتنساش هو يوم واحد ومفيش سياره ولا سواق خاص بيك اليوم ده جلوس في المكتب وبس

وزير التربيه والتعليم

واول حاجه هاعملها

النصح بعدم استعمال هاى وباى واوكى وارفوار

كمان
هاحسهم على استعمال الكلام العربى افصيح

والله اول حاجه لازم تعملها فى وزاره التربيه والتعليم انك تشيل حاجه اسمها مدارس علشان ما فيش لازمه ليها من يوم الدورس الخصوصيه
اما بنسبه لى هاى وباى دى يا بستانى ممكن تعملها فى البيت لو احنا نفسنا استخدمنا كلمه السلام عليكم فى كل الاحوال عند القيام من النوم وعند الدخول وعند الخروج مش لاز م يعنى الويزريعمل كل حاجه يعنى ولا ايه

ههههههههههههههههههههههه

اوك احلام بصفتى وزيرا اليوم للتعليم هانفذ اقتراحك

وهالغى المدارس هههههههههههههههه

وكفايه الدروس

ولايزعل الجميل

كونى وزيرة هختار امون وزيرة الاسكان
وهتخذ كل القرارات بتعمير مدن كاملة لتسكين الشباب

انا بقى لو وزير عايزة ابقى وزيرة الشباب و الرياضة

هلغى نادى الزمالك و الاسماعيلى لانهم نقمة على الكرة المصرية
و مرسيى يا حسين على الموضوع الجميل و مرسيى انك ادتنا فرصة نعبر بيها على اللى جونا

مفيش أختيارات بصراحه مش عارف أختار العمليه صعبه
بس شايف الكل كمعان في التعليم
يا وزيره الاسكان تفتكري بعد مشروعك ما يكمل هيتوزع بجد ولا كلام الليل الدهون بالذبده يصبح أيه نسيت

يصبح عليه النهار يسيح!!!!!!!!!!
ليه بس يبنى بلاش تشككنى فى نفسى
طب جربنى وشوف
انا هكون احسن وزيرة
وهدية لك منى مش هديك شقة

صحيح هتكوني أحسن وزيره لانك قلتي الحقيقه من الاول عموما يا ستي أبقي وزيره وطظ في الشقه أهو علي الاقل نقول كنا نعرف وزيره سابقه في يوم من الايام دا بعد خمسين سنه طبعا

ان شاء الله قريب يابنى
عمو اوباما ان شاء الله يساعدنى
ده حبيبى
وهديك الشقة بس احفظ الارقام كويس
هههههههههههههههه

هو أنتي أصلك سوداني ولا أيه

وأسمك ولاء أسم طفولي وتقولي يبني أيه الوزرا بتوع أخر زمن دول بيفرفشوا الشعب
بس أسمعي يا وزيره أقل من شقه علي النيل مش هنتخبك

ولاء مش حلو ليه بس كدة
انا اتصدمت
وفرق السن اللى بينا لازم اقول يا بنى
وبلاش طمع اصل اخرك معايا عشة

أنشاء الله بستاني يكتب فيه قصيده بس بجد أنتي أكبر مني يبقي لازم أقولك يا حجه ولاء ولا ياخالتي بس بحبحيها شويه وخليها عشه علي النيل مفيش مشكله

اوك سيبنى افكر
وبعدين بستانى كاتب قصيدة وهى دى
اقراها هنا بس رد عليها هناك
اوك؟؟؟؟




ولاء
جميل ان يبداء اسمك بحرف الواو وصفه الولاء
ومن حسن حظنا اننا التقينا بدون قصد والقدر شاء
واللام لانسى جميل موضيعك وروح الدعابه بصفاء
والالف والهمزه إيمان بنت عمك وهديتك الحسناء
وبها اكتمل عطائك وولائك لبستانك بخفه ظلك ياولاء
واتيتى لنا ببنت عمك فادا الزهور من حسنها فى حياء

علشان عشه طيب دا كفايه قصيده بستاني بسم الله جاهز دايما عموما خلي بالك ممكن أتعين وزير السياحه وأهد العشش بتاعتك عايزين منظر حضاري للبلد بلا عشش بلا مساكن شعبيه وبالمره أسكن في فندق علي النيل أنتي نسيتي أني كمان ممكن أبقي وزير

اها صحيح ممكن تبقى وزير
بس وزير عن وزير يفرق
وبعدين انا كنت عايزة اساعدك واديك العشة
انا غلطانة
ربنا يسامحك

صححي بسرعه فرق بين وزير ووزيره مش وزير وبعدين تفتكري لو بقيت وزير هرفض العشه برده ههههههههههههههههههههههههههه أنتي مش عايش في مصر شكلك أحنا الوزرا بتوعنا بتوع كله بشاركوا اللي بتبيع الفجل علي الرصيف حتي

انت مش من مصر
لو قلت من بيروت او لبنان انا هزعل بجد
مصر دى احلى مكان فى العالم
وبعدين خلاص لو انت مش مصرى مش لك دعوة بمصر
بس اصل والله ازعل

يا ست الوزيره أنتي مش واخده بالك من الكلام أنا مصري وصعيدي لا لبناني ولا بيروتي بس مش عيب نقول اللي موجود عندنا في البلد وغلط ومتزعليش أنا مصر يوأبن مصري ومش بحب نانسي عجرم علشان من بيروت وشكلها هنقطع العلاقات مع الاخوه العرب

هههههههههههههههههههههههه
وابن مصر الله عليه
ايوة كدة
ارفع راسك لفوق وقول انا مصرى وابويا مصرى وابن مصر الله عليه
كلمة تانى و خليهم يعتقلوك

انا عايزة ابقى وزيرة النقل و المواصلات

علشان امنع السواقين بتوع الميكروباص من مزاولة هذة المهنة
بيمشو فى الشارع كأنهم هما لوحدهم فى الدنيا و يعملو مسابقات بينهم و بين بعض على مين اللى يوصل الاول و غير كدة بيبقو مش فى وعيهم يعنى ارواح الناس فى ايدين مش امينة فى ايدين المدمنين !!!!!!!!!

يالا يارشا اكتبى طلب بانك حابة تكونى وزيرة
وانت ياحسين مصرى خد منها الطلب وقدمه ليا
وانتظروا توقيعى

يعني ملقتيش غيري وتوقعيني مع سواقين الميكروباصات طيب رشا هتعرف تتعامل معاهم لكن عمرهم ماهيصدقوا راجل زيهم
عموما أنا كمان نفسي أعرف أنتي يا رشا لما تلغيها الناس هتركب أيه موتورجل ولا الحل بعد الوزاره
وأنتي يا سعاده رئيس الوزره ولاء أيه رأيك ولا وزارتك بس توقيع طلبات

لالالالالالالالالالالالالالا
كدة ازعل انا لما رشا تلغى المكروباصات انا هجيب لكل فرد فى الدولة عربية
ماركة: شى حا هس
انت بتشك فى امكانيات الوزارة
يالا خلص وقدم لى الطلب وبلاش تشك فى امكانيات وزارتى تانى

و الله لما الناس تاخدها موتو رجل احسن من ماتركب مع واحد شارب مش فى وعيه
بس هى مش هتتلغى يعنى عندك مثلا سوقين الاتوبيسات ناس كويسة و تحس انك بتتكلم مع انسان عاقل مش متخلف و ليهم هيئة و مرتبات و مكافأت
مش زاى دول مشيين فى البلد بلطجة و مافيش حد بيعرف يكلمهم لية بقى ما يدخلوش من ضمن هيئة النقل و مواصلات و ليهم مرتبات معينة و يكونو متعلمين زاى كتير من مواظفى هيئة النقل و المواصلات دة رأ ى