اكيد كلو فاكر نتيجة الاهلي 6/1لكن عمركو ما سمعتو عن الزمالك فاز 6/0 علي الاهلي ادخلو علي الرابط ده و شوفو علاء صادق

https://www.youtube.com/watch?v=vWqhQg1UVNM&feature=related


M_G_H

ya abny el ahly haefdal el ahly mhma 7sl w haefdal agmad nady fe masr w el 3alm kolo w mosh mn mara faz feha ya3ny 6/0 mara bardo el ahly 3'lb 6/1 ya3ny mosh 7war wla ma sd2to elzmalek efoz mara

هههههههههههههههههههههههههههههههههه

ياخوفى مشجعى الزمالك يوقعو فى نقاش حاد مع مشجعى الاهلى

ياجماعه كل الفرق مصريه

اوووووووووووكى؟؟؟؟

نقاش حاد اية الى الزملكوية يدخلوا فية معانا احنا نادى القرن و6/0 اية الى هما بيقولوا عليها هما ولا علاء صادق طب علاء صادق كان بيقولهم كدة علشان يرفع من حالتهم المعنوية ويديهم امل انهم لسة فرقة والناس عرفاهم بعد ما الاهلى احبطهم وعيد عليهم باربعة اجوان فى ماتشين فى اقل من اسبوع وبعدين النتيجة دى قبل المسابقات الرسمية والى اعرفة انها ليها ظروف سياسية انما الستة الطبيعية و الشهيرة 6/1 ولا نسيتوا واحد رضا شحاتة واحد ابراهيم سعيد اربعة خالد بيبو يعنى(واحد اتنين تلاتة اربعة خمسة ستة) :لسان وادين:

فعلا يا ولاء الهزيمة دى ليها ظروف سياسية و انا سوف احكى هذة الظروف.
نعم انهزم الاهلى فى عام 1943 فى شهر اغسطس بالتحديد على يد الزمالك 6/0 فى نهائى كأس السلطانى و لكن تلك الهزيمة قصة تفتخر بها اجيال الاهلى على مر العصور و الحكاية تبدا بتقدم عمدة بلدة غزة بطلب الى السيد فؤاد باشا سراج الدين رئيس النادى الاهلى ووزير الداخلية انذالك ليطلب من الاهلى ان يلعب مباراة فى فلسطين لتدعيم القضية الفلسطينية و معاناتها منذ بداية الاربيعينيات ووافق الاهلى بدافع الوطنية الا ان حيدر باشا رئيس نادى الزمالك وقت ذلك اعتبر ان عدم طلب ذلك من الزمالك اهانة شخصية له. فاوعز الى الملك فاروق بان هذا سوف يؤدى الى اثارة الانجليز على الملك بسبب الوافقة على سفر الاهلى الى فلسطين لمؤازرة شعب فلسطين لذلك امر الملك بمنع الاهلى من السفر الا ان الاهلى اصر على السفر لدعم القضية الفلسطينية و بالفعل سافر الاهلى على نفقة فؤاد باشا سراج رئيس النادى وثار الانجليز بالفعل فاصدر رئيس اتحاد الكرة المصرى حيدر باشا و رئيس نادى الزمالك بشطب لاعبى كرة القدم فى الاهلى الذين سافرو الى فلسطين . ووقتها لعب الاهلى امام الزمالك مباراة كأس السلطان فى النهائى ناقصين 20 لاعب اساسى فى الفريق امام فريق كامل و بالطبع فاز الزمالك 6/0 و بعد المباراة ارسل لاعبى النادى الاهلى و يتقدمهم كابتن الفريق فى ذلك الوقت مختار التيتش رساله الى اتحاد الكرة يقولون فيها ( بلغنى نبأ شطبى انا و زملائى ممن سافرو الى فلسطين و انى لفخور بهذا الشطب ) و انا ايضا كمصرية فخورة بهذا الشطب و اظن ان فريق يهزم بستة اهداف لموقف وطنى و قومى بحت تفرق كثيرا عن هزيمة نتيجة تخاذل لاعبين عن اداء واجبهم و فاز الاهلى على الزمالك عام 2001 6/1 بامارة بيبو و بشير بيبو و الجون .

اول مرة اشوف رد كبير وطويل كده ليه الموضوع ده بالذات اللى اتكلمتوا فيه كتير ياجماعة هو النادى اللى بيفوز ده وبتحرقوا دمكو عشانو بيعملولكو ايه بيدوكو الفلوس اللى بيكسبوها لا طبعا مابتاخدوش غير المشاكل وحرقة الدم

الى النادى الاهلى بيدهولنا اكتر من الفلوس يا نورهان علمنا حب الانتماء و الغيرة على الحاجة الى انت بتحبيها انا عن نفسى مصدر السعادة بالنسبة لية هو النادى الاهلى مش بحث بالسعادة الى من خلال النادى مش انا بس كل الى بيحب كرة القدم مش مشجعى الاهلى بس لاء كمان مشجعى الزمالك نفس الحكاية بيحبو ناديهم بنفس الدرجة . مجنين بقى بالكرة نعمل اية جربى و اتفرجى على مباريات للنادى الى بتشجعية و مرة على مرة هتعرفى الى بقولهولك و مرسيى ليكى يا نورهان

الموضوع يا نورهان مش فلوس الموضوع هو شعور جميل بتشعرى بية وهو لحظة الانتصار لحاجة انتى بتحبيها وبتنتمى ليها زى لما بتسمعى ان شخص عزيز عليكى ناجح انتى مش بتنتظرى منة شىء كفاية سعادتك بنجاحة والنادى الاهلى بالنسبة للاهلوية هو مصدر السعادة ليهم وانتصارة انتصارهم انا (اهلوية وافتخر).

فعلا النادى الاهلى هو مصدر السعادة لينا و لو لم اكن اهلوية لودات ان اكون اهلوية
تسلمى يا ولاء على حبك لنادى القرن الافريقى

انا بقى احسن حاجه طلعت بيها من الدنيا انى مش بعرف العب كوره بس بحبها ولما كنت صغير كان اصحابى بيتحكوا عليه ويوقفونى جون طول المباراه وانا كنت بقى فرحان وبقول انى بلعب كوره اتارينى كنت ولا بلاش ان الله حليم ستار

سملت يداك