الحبيب و الخاطب والمتزوج

مقال للكاتب هشام مبارك نشر فى جريدة الاهرام تحت عنوان( انا والمدام والعيال ) اعجبنى كثيرا ولكنى سأنقل لكم جزء منها فيه فكاهه وحكم

حول الفارق بين الحبيب والخاطب والمتزوج

1-ان الهدف فى حياة الحبيب هو ان يرضى حبيبته بينما هدف الخاطب ان يرضى والدتها اما المتزوج فهدفه فى حياته ان يرضى الله عنه ويأخذ احدهما

2-الفارق فى نظرة الثلاثة للدبلة (مع انها بدعه جاهلية)ان الحبيب يراها حلما بينما الخاطب يراها عبئا ماديا والمتزوج يراها (بتعمل حساسية)ياحرام

3-فى صالة السينما ينظر الحبيب فى عين حبيبته ويرحص الخطيب على ان يمسك يدها اما المتزوج فانه يتابع الفيلم

4- اكثر بضاعه يشتريها الحبيب هى الورود والخاطب الحلويات والمتزوج حفاضات بامبرز

5-طلبات المرأة يراها الحبيب فرض عين والخطيب اوامر رئاسية والمتزوج يراها كلام نسوان

6-اسم المرأة على موبايل الحبيبhoneyوعلى موبايل الخطيب امل حياتى وعلى موبايل الزوج الحكومه

7-الجحيم بالنسبه للحبيب هو المكان الذى لاتوجد فى حبيبته وللخطيب هو المكان الذى توجد فيه حماته اما المتزوج فيعتبر الحجيم هو حياته الحالية

8-واخيرا ماهو تعريف الخلع عند الثلاثة الحبيب يراه حكما بالاعدام بينما الخطيب يعتبره اهانة للكرامه اما الزوج فيرى الخلع نصرا من الله وفتحا قريبا!!!


باستثناء بعض الحاجات الغير سليمه دينيا


الا ان المقال مضحك وفيه كثير من الواقع
ودمتم سالمين

ممممممممممممممممممممممممممممم

مقاله فى منتهى الواقعيه وسليمه ميه الميه

تسلمى ايمان على اختيارك الموفق

مانتحرمش منك ابدااااااااااااااااا

مقال جميل وواقعي بنسه كبيره جدا خاصه للشعب المصري شعب الفكاهه والسخريه ن اي شئ



لكن بجد نفسي اعرف ليه لقب الزوجه عندنا في مصر مرتبط باسم الحكومه


وهل ياتري لو الحكومه ربنا صلح حالها وبقت حكومه هيفضل الارتباط موجود ولا هيسموها ايه تاني رغم ثقتي اننا شعب ميغلبش في الاسامي ولا في اي شئ

صحيح يا حسين اشمعنى الزوجه عندنا فى مصر ناس كتير بيسموها حكومه

مع ان الحكومه عندنا طيبه جدا جدا

وعجبى

الحكومه مرتبط بالزوجه لدليل الاستبداد والخناق الدايم
ديما بيسموها الحكومه عشان الاوامر ولان الشعب بيخاف من الحكومه والزوج بيخاف من الزوجه فالمعنى واحد
بس احيانا رجاله بتقول اللقب ده على زوجاتهم لانهم حاسين انهن كابتين حريتهم ورغباتهم والمعروف عن الراجل ديما انه بيحب الانطلاق والحريه وماحدش يحكمه
عشان كده مراته لما جت حكمته وحكمت حرياته فسماها الحكومه
بس والله غريبه قوى طب ما الحبيبه بعد مده بتكون الخطوبه وبعدين الزوجه ايه فرق يعنى عشان يتغير لقبها ؟!

اللقب مرتبط بالمعنى اكتر من الهيئه الرسميه وهى الحكومه

شكرا لمروركم الكريم



ودمتم سالمين

ايمان